Plantilya:Philosophy of religion sidebar
An Pusta ni Pascal sarong argumento pilosopikal ilinatag ni Blaise Pascal (1623–1662), sarong ika-17ng siglong matematiko, pilosopo, pisiko, asin teologo.[1] An argumentong ini inihayag na an mga indibidwal nakikisugal mansana sa buhay ninda manongod sa pagtubod sa pagkatotoo na igwang Diyos.
Si Pascal nakikitagasan na an sarong personang may toltol na pag'iisip dapat may atitud sa buhay na nag'aayog sa pagtubod na talagang igwang Diyos, asin aktibong maghingowa sa saiyang paghanap sa katotohanan na may Diyos. An rason kaining panindogan nababatay sa mga posibleng kaluluwasan: kun an Diyos dai nageeksistir, an indibidwal masapo sana nin may-sukol na kawa'ran, na an isasakripisyo mga kasiraman asin luho sa buhay. Alagad, kun an Diyos nanggad nag'eeksistir, sinda maani nin daing-sukol na bentahe, representado kan eternidad sa Langit susog sa Abrahamikong tradisyon, mantang nalikayan an daing kasagkoran na kawa'ran na nakatakod sa eternidad sa Gagamban o Impyerno.[2]